台北廈門五百里

台北到廈門五百里
apple pie 樂隊 (廈門）

大雨瓢潑的暗暝
tuā-hǒo phiâu-phuat ê àm-mî
汝哪無伫阮身邊
lí ná bô tǐ gún sin-pinn
一遍佫一遍的看
tsi̍t-phiàn koh tsi̍t-phiàn ê khuànn
汝送予阮的相片
lí sàng hōo gún ê siòng-phìnn

台北到廈門五百里
tâi-pak kàu ē-mn̂g gǒo-pah-lí
兩工一班飛淩機
nňg-kang tsi̍t-pan pe-lîng-ki
我伫機場送汝去
guá tǐ ki-tiûnn sàng lí khì
汝敢知影阮心意
lí kám tsai-iánn gún sim-ì

一個侬的落雨天
tsi̍t-ê lâng ê lo̍h-hǒo-thinn
想汝想甲睏袂去
siǔnn lí siǔnn kah khùn buě khì
佮汝分開兩星期
kah lí hun-khui nňg sing-kî
感覺已經一萬年
kám-kak í-king tsi̍t-bān-nî

若是天頂飛過白鹭鸶
ná sǐ thinn-tíng pe kuè pe̍h-lōo-si
將阮思念帶予伊
tsiong gún su-liām tuà hōo i
怎樣我會無勇氣
tsuánn-iūnn guá ě bô ióng-khì
講出一句我愛汝
kóng-tshut tsi̍t-kù guá-ài-lí
一句我愛汝
tsi̍t-kù guá-ài-lí