pnn.pts.org.tw
標題：宜蘭兄弟鴨gâu飼 環保天然肥閣媠 Gî-lân hiann-tī ah gâu tshī, khuân-pó thian-jiân puî koh suí. (華語)宜蘭養鴨人家 環保自然鴨肥美
2011年11月14日 星期一
相逢台北橋
《相逢台北橋》黃妃
作詞：陳明章 作曲：陳明章
為著初戀的冤家 不願甲你來相找
日子一天一天過
桌頂的情批是愈鎮愈多
阮一天一張寫予你的 限時批
寄入郵局 你攏沒甲阮回
害阮走過春天 換過秋天 又擱到冬尾
每日心肝凝 阮愛你愛甲這狼狽
相逢台北橋 心愛的人
啥乜時陣會當擱看到你
心內又擱思思念念
前塵往事 盈暗的風
阮想你想甲無滋無味
啊～～～～啊～～
茫茫人海 你佇 叨位
想著甲你來分開 情歌親像斷腸詩
愛你有話無地講
鬱卒的心情是愈裝愈多
阮一天一擺走過 相逢的台北橋
問你朋友 今嘛你住佇佗
害阮問過春天 問過秋天 又擱是冬尾
找沒你的人 阮等你等到 頭犛犛
相逢台北橋 心愛的人
啥乜時陣會當 擱看到你
心內又擱思思念念
前塵往事 盈暗的風
阮想你想甲 無 滋 無 味
啊～～～～啊～～
茫茫人海 阮佇 想你
作詞：陳明章 作曲：陳明章
為著初戀的冤家 不願甲你來相找
日子一天一天過
桌頂的情批是愈鎮愈多
阮一天一張寫予你的 限時批
寄入郵局 你攏沒甲阮回
害阮走過春天 換過秋天 又擱到冬尾
每日心肝凝 阮愛你愛甲這狼狽
相逢台北橋 心愛的人
啥乜時陣會當擱看到你
心內又擱思思念念
前塵往事 盈暗的風
阮想你想甲無滋無味
啊～～～～啊～～
茫茫人海 你佇 叨位
想著甲你來分開 情歌親像斷腸詩
愛你有話無地講
鬱卒的心情是愈裝愈多
阮一天一擺走過 相逢的台北橋
問你朋友 今嘛你住佇佗
害阮問過春天 問過秋天 又擱是冬尾
找沒你的人 阮等你等到 頭犛犛
相逢台北橋 心愛的人
啥乜時陣會當 擱看到你
心內又擱思思念念
前塵往事 盈暗的風
阮想你想甲 無 滋 無 味
啊～～～～啊～～
茫茫人海 阮佇 想你
2011年11月2日 星期三
In華語，咱台語？
即暫仔我有一個長老教會的朋友代表in教派去韓國參加訓練的活動，伊不時嘛會佇線頂分享即幾工的感想。遮是一個國際性的聚集，所以伊嘛會去拄著中國的傳道人，伊講有一個天津的牧師問起伊是啥物教派背景的，阮朋友應講是「台灣基督長老教會」，擱講彼個天津牧師煞歸個面青-sún-sún。伊感覺足得意的，he無打緊，伊紲落來擱寫講「面對著按中國來的牧者，我攏總用台語參in講話，連英語嘛bē-gián講，哼～」。下底擱有一個儂回應講：「用台語會擱khah受著尊敬，用北京話會互儂當做中國的傳道人」。講實在的，我看了有影是hàiⁿ頭，台灣真儕獨派的儂就是安呢款的思維：「in的華語，咱的台語」用遮來kap中國割斷關係。會記得幾若年前，一個本土立場的報紙，佇電視廣告用「滿漢全席」kiau「蚵仔煎」的意象代表中國kap台灣，路尾講：「疼惜台灣，蚵仔煎優先」。in計是犯著一個錯誤，就是共中國北頂的文化提來代表歸個中國，想卜藉著遮來顯明中國和台灣無共款。chiah-的朋友，若毋是超工的，就是無知。
無毋著，華語是中國的，不而過「台語」敢著真正是台灣的？即幾年有機會參福建、南洋的福建儂交流，煞來對「台語」即個名愈來愈反感，因為「台語」後壁有一款遮是台灣獨有、代表台灣國族的意義，而且擱將咱「台灣話」和中國、南洋閩南話的關係割互斷（當然我了解台語即個詞的正當性，後擺才講）。佇台灣以外，猶擱有千千萬萬儂咧講即種語言，in敢攏是台灣儂？我毋願意看著我的母語成做一個干凋是「本土」，擱為著國族主義神話服務的工具。A-kah19世紀彼點聲，是歐洲的國族主義登咧chhèng的時，但是東歐和西歐有一寡無共，頭一種強調民族、血統、語言，後來的以色列錫安主義著是學著即款，才會來對巴勒斯坦進行「種族清洗」；若西歐的是注重公民權，無去強調語言、文化、種族的相共。台灣即陣想卜行後面彼款路線，但是一個失覺察，煞沓沓仔行去頭前彼條路，比論講「平埔漢化論」擱有「台語毋是閩南語」，著是咧強調台灣儂佇種族、語言攏愛kiau中國無共款。論真講，無共國家嘛會使講共款的語言，一種語言若卜國際化，敢毋是按呢？設使英語佇美國叫美語、佇加拿大叫加語、佇澳大利亞叫澳語...即陣敢會互儂看做國際語言？咱是毋是著歸氣承認咱的話是福建的閩南語？
2011年10月29日 星期六
【（是）誰】
佇台灣真罕得聽著「誰」即款講法，khah儕儂是講「啥物儂」（siáⁿ/sáⁿ /sím- mi̍h-lâng）「啥儂」（siáⁿ/sáⁿ-lâng）若無著是合起來唸做「siáng /sáng」，敢若只有佇教會才會聽著有儂講「（是誰」（chī-chuī），不而過阮嘉義有一寡所在的儂會講「chiâ」，若即個音可能和「誰」是共一字。即個詞佇其他講閩南語的所在有各樣無共款的講法，泉州講「sī-chuī」，漳州講「 chī-choa̍h」，無著干凋孤一字「choa̍h」，即嘛佇漳州市區khah捷咧聽著即個講法，我舊年按漳州坐車去集美的時，車頂彼個賣票的阿嬤著喝講：「choa̍h猶未買票？」，佇馬來西亞的檳城講「chuī-chuī」，犯勢是漳泉濫的結果。《閩南方言大辭典》內底主張「誰」是「是誰」的合音：sī-suî→chī-chuī→chuī；漳州音的「choa̍h」是「是誰啊」的合音：sī-suî-a→chī-choa̍h→choa̍h。頂禮拜我去拜訪洪惟仁教授，伊提出一個無共款的看法，伊講漳州音的「choa̍h」凡勢古早是寫作「誰何」，閩南語「何」的白話音本底是讀作「oâ」，我家己按算遮和 bô-ta-oâ的「oâ」是共一字。所以講，即個變化可能是：suî-oâ→chuī-oâ→choa̍h，若嘉義的「chiâ」拍算嘛是即個音變過來的。
【好khang】
Bat聽一寡儂咧講，「好khang」即個詞其實有khah粗俗，尤其諸姥儂毋通濫摻講，因為彼字「khang」事實上著是「孔」，意思是諸姥的彼個所在，所以若是講一個物件啊是一層代誌真「好khang」，是有khah粗俗淡薄。我認為即種講法是咧烏白亂講，咱閩南語「khang」即個音除了「孔」以外，嘛挺好寫做「空」，即個「空」有華語的「把戲」、「名堂」、「毛病」即款的意思，親像新馬的福建儂定定用「空頭」來形容一個儂專工舞一寡有的無的，我認為「好khang」的彼個「khang」應該是即個本字才著。總講一句，即個「空」毋雖罔是啥物正面的用詞，毋擱嘛絕對毋是用彼號污辱女性的比喻來表示一個物件抑是一層代誌誠好。所以，我主張即個字寫做「好空」khah好勢。
2011年10月8日 星期六
會呼吸的痛閩南語版（泉州府城腔混海口腔）
徛咧清源山 我遠遠看去
看燈火閃熠 像天頂的星
骹步徙到位 只是心傷悲
兩儂的願望 一儂來維持
汝總是 對我來講起
叫我免驚疑
過去的放一邊
未來的路 行叨位去
我咧喘氣 心著會疼
我瞭解彼著是愛的心聲
唱汝愛的歌會疼
看汝的批會疼 連思念嘛疼
我若遺憾心著會疼
一直咧心肝內滾絞搬捙
愛了無夠心會疼
看汝[勿會]透會疼
見[勿會]著面第一疼
毋捌看著汝 悲傷囥過暝
彼是代表汝 心內的稀微
汝無講啥物 放我咧流離
卜講的言語 已經放[勿會]記
看[勿會]著 汝的心空虛
是汝無講起
我嘛是頭chhih-chhih
卜講的話 講勿會出喙
我咧喘氣 心著會疼
我瞭解彼著是愛的心聲
唱汝愛的歌會疼
看汝的批會疼 連思念嘛疼
我若遺憾心著會疼
一直咧心肝內滾絞搬捙
愛了無夠心會疼
看汝[勿會]透會疼
見[勿會]著面第一疼
我愛汝我會坦白講出喙
我會對汝笑眯眯
我的儂 我的心 攏交代予汝
我咒誓[勿會]佫放捒汝
陪汝海角天邊 無論叨位
我請汝毋通傷悲
請汝毋通失志
望汝來回心轉意
我一定佫較愛汝
2011年10月5日 星期三
SIm-chhuì
M̄-chai lí bô-sió-sim su-kah tio̍h siàⁿ-mi̍h-lâng?
Goá chai he toán-toán m̄-sī goá.
Goá chin-chiàⁿ chiok him-siān hit-ê lâng...
Lí kám chai-iáⁿ? Goá kàu taⁿ iû-goân leh siōⁿ lí, kah-ì lí.
Lí ê múi chi̍t-ê jī lóng chhin-chhiōⁿ chiam leh ui, chhin-chhiōⁿ to-á leh koah.
Bêng bêng chai-iáⁿ goá iāu koh su-kah lí...
Sī an-choàⁿ ài sia hō͘ goá khoàⁿ....?
Chi̍t-pài nō͘-pài...
Goá ê sim-sîn í-keng in-uī lí hông pàng-sak tī khòng-iá
Chhoē bô lō͘ thāng tó-tǹg...
2011年9月18日 星期日
2011年9月7日 星期三
彼股伊（用漳州音編寫）
Ū chi̍t-kó͘ cha-bó, ta̍k-pài ná tú-tio̍h i, ta̍k-pài tio̍h hō͘ goá kám-kak ū khuì-la̍t. Chi̍t-kó͘ lâng, tiām-tiām--á toà-tī goán sim-lâi í-keng kuí-ná-nî, goá lia̍h-chún kóng chá tio̍h kah i pàng-bē-kì, chiah chai-iáⁿ che put-kò͘ sī leh phiàn ka-kī niâ. Kū-nî goá tú-tio̍h chi̍t-pài kám-chêng ê táⁿ-kek, put-chí-á kan-khó͘, hit-chéng chêng-hêng, chē-chē pêng-iú lóng khoàⁿ bē-tit-koè--a, kui-ê lâng chhin-chhiōⁿ tuī-chháu-lâng kâng-khoán ū-hûn-bô-thé. M̄-koh, chi̍t-ê khoàⁿ-tio̍h i, goá soah kuì-ê hó khì-lâi. Sī ná khuì-la̍t? Thái-ē ū chit-khoán tāi-chì? Ta̍k-ê ū chhuì kóng kàu bô-noā, an-né kah goá khó͘-khǹg, goá soah bē-tín-bē-tāng...bē-su hit-hō͘ chhâ-thâu ka-lé kâng-khoán. I soah ū hoat-tō͘ hō͘ suî hó khí-lâi.
Hoân-sì, liân góa tio̍h m̄-chai-iáⁿ i tuì goá sī chiah tiōng-iàu, goân-lâi i it-ti̍t tiàm-tī goá sim-lāi siāng chhim ê só͘-chāi. Kin-mêe, goá koh chài siōⁿ-khí i, sui-jiân, i tī toā-hái ê lēng-goā chi̍t-pêng, hit-ê chin huīⁿ ê só-chāi. M̄-chai hô͘-sî chiah ē koh-chài saⁿ-kiàn.
2011年8月18日 星期四
拜託咧！儂是福建儂好無！
即暫仔瓊斯杯籃球邀請賽當咧進行，其中菲律賓隊有一個唐儂，名號做張念賢，即件代誌真儕儂計知影，有儂擱講伊生了參溫昇豪真像面。不而過有一寡媒體，甚至是球場的放送頭，竟然共儂的名Christopher John Tiu翻作「提優」、「提歐」，彼個「Tiu」明明就是福建話的「張」，是袂曉讀是毋？總是in斷斷袂去想著彼個「張」是閩南話的呼音，猶擱有，舊年來台灣拍球的另外一個菲律賓儂James Yap，儂明明著姓葉，kiau我共款，擱有儂翻作啥物「雅浦」，我進前bat看過一本中國北頂儂寫的冊，共馬來西亞的政治人物「Lim Kit Siang」（林吉祥）寫作「里蒙肯桑」，臨當時我笑kah強卜反過，毋擱he是袂曉講閩南話的，咱袂使怪伊。不而過台灣儂看袂出來就無話通講囉，無采台灣上少七十巴仙khah加的儂會曉講「台語」。會鬧即款笑詼，我認為其中有兩個原因，一個是北仔文化傷過強勢，咱台灣大多數儂的母語並毋是華語普通話，但是卜用羅馬字寫家己的唐儂名的時陣，定著著愛用華語的音去寫，親像我申請護照的時，著無允准我寫Iap Sian-chîn，一定愛寫Yeh Hsien-chin才會用得。所以in看著「Tiu」的時陣絕對袂變竅去想著「張」，干凋看著「Chang」抑是「Zhang」的時才會，就按呢，名用華語拼寫煞來變做四常的，啊咱南洋的「鄉親」用家己母語寫名煞變作奇怪的代誌；另外，是有的台灣儂對東南亞的了解實在傷過淺薄，真儕儂無知影南洋有無少唐儂，而且儂佇hia已經徛起幾落代矣，是別儂國家的公民，擱共儂號做「華僑」。毋若安呢，擱khah少儂有去注意講南洋的唐儂有真儕是閩南儂，kah咱祖公共款是按福建漳泉來的，像菲律賓的唐儂儕儕攏是晉江過去的。聽著in講華語無稀奇，聽著in講福建話，hiah的儂煞著青驚，大驚小怪咧giâu-gî講是按怎chiah的儂會曉講「台語」？而且擱講儂的音怪怪，講袂正。卜成做海洋國家，毋是話sa咧凊采講講著好，咱國際觀著愛khah開闊咧，毋通行不出彼號水窟仔。
2011年8月16日 星期二
2011年8月14日 星期日
河洛？福佬？我的經驗
佇咱台灣對閩南語有熱情、抑是咧chhui-sak母語復興的儂，大概會當分做兩款：頭一種是共閩南語kap國族主義縛做伙；另外一種是中原情結介重，將即久的台灣參千外年前的黃河、洛水牽牽做伙，講「holo」其實是「河洛」。閩南語是按福建發展出來的，in煞一定愛kap成千年前的黃河洛水牽牽做伙？跳過閩南漳泉，直接位千外年前的「河洛」牽搆即陣的台灣，啊中間彼段咧？漳泉地區才是閩南語言和文化的根，毋是幾落千年前的中原。准講即久的閩南話內底有古早漢語的成分又擱按怎？華語普通話kap4其他的中國方言敢無？按呢著會當證明漳泉儂計是正港中原儂？啊是閩南話就是正港「河洛」話？咱閩南裔有家己輝煌的海洋歷史，和客儂鬥鬧熱去揣中原的根到底有啥物意義？無儂想卜譬相「河洛」，毋擱，咱祖先的母語、文化攏是佇閩南地區puh4-inn2的，毋好去牽一寡和咱無啥物關係的親情，若按呢，歸氣直接去揣咱人類佇非洲的祖家準煞。
照福建的朋友所講，佇福建彼爿，無和客儂連相倚的所在，根本無儂共家己號做「holo」，he是客儂對閩南儂辟相的講法。若我的經驗其實嘛差不多，我細漢時一直到國校一年攏滯台北，阮阿公阿嬤位故鄉嘉義起來參阮滯做伙，我的母語是彼當陣和in1生活的時陣學的，彼段時間我從來就m7-bat4聽過啥物「Ho-lo」話、「Ho-lo」儂。一直到讀二年的時，我搬去客儂佔大多數的苗栗滯阮外公外嬤in1兜，才頭一遍聽著阮外嬤（伊嘛是閩南儂）講即個詞，初初聽著即個詞的時我完全聽無he1是啥意思，路尾才知影原來是咧講咱kap4咱的話。後來搬去台中縣豐原，hia1嘛是有客儂，像款會當聽著即種稱呼，即陣我企中壢（嘛是客儂所在），當地儂嘛是叫我是Ho-lo儂。不而過，台灣有一寡儂中原情結真重，跳過福建閩南，直接共現前的台灣和成千年前彼號根本無啥物治代的「黃河洛水」牽牽做伙，根本舞袂清楚閩南文化的根是佇ta2-loh8。
2011年8月10日 星期三
轉載：守衛閩南，無愛北化！
〖普通話〗守護閩南，拒絕北化！
【漳泉話】守衛閩南，無愛北化！
〖普通話〗傳統泉州木偶戲是以閩南話為媒介進行表演與傳承的。這個阿哩不斗的所謂團長實在奴性十足，他的所作所為勢必嚴重影響泉州地方戲曲的傳承，在他們的引領之下，一切都將北化，不再具有閩南特質。守護閩南正統，我們要一人一票，否決他，阻止他這麼幹，讓他滾蛋。是泉州人，是閩南人，請速速轉發。
【漳泉話】「今年9月，泉州市嘉禮劇團佮上海戲劇學院相敆來辦的頭屆『弄線嘉禮表演本科專業』卜正式開課囉。按照規定，報考的學生一定著普通話標準，佫愛有一定的外语水平。根據瞭解，全國有500外个考生報考即个專業，最後錄取25个。即25个學生計是五湖四海來的，有：山東、江西、湖北、安徽、福建……10外仔外个省份，イ因卜佇遮讀四年，專途來學嘉禮的表演技巧，含佮編劇、舞蹈、美術、音樂、燈光等濟濟方面的能力……」（http://fj.sina.com.cn/xm/news/ms/2011-08-09/084721097.html）
列位！恁有看著無！恁有想看māi無，咱傳統泉州嘉禮戲，是毋是用咱在地的泉州話來咧表演？是毋是用泉州儂的父母話來咧教、來咧傳湠？這是小可有淡薄智識、頭殼小可有清楚的儂，都攏嘛知影的事實！！不而過，即陣，即箍阿哩不達的啥死儂『團長』，真正頭殼去予門夾著，做奴才做到真起氣！招外地學生卜來學咱泉州戲藝，這無打緊啊，佫講學生毋免講閩南話，勿會曉講閩南話嘛無要緊！佫講普通話一定著標準，佫講連外語嘛著愛會曉得！無伊是卜創啥？朋友啊，恁生耳空敢捌聽著儂咧弄嘉禮是講普通話的？講番仔話的？按呢做是卜創啥？是卜共閩南話、閩南文化踢去邊仔毋？是卜予咱絕（che̍h）囝絕孫是毋？
列位鄉親好朋友，恁共聽看māi，即箍兩光的團長，伊到底是講啥貨——
「這掠外，往過咱劇團，演員較濟是為著卜傳承佮創造新的名堂齣頭，即陣看起來按呢做真正有大缺陷。現實的來講，嘉禮戲卜做非物質文化遺產摧捒到全世界，孤孤用閩南語已經無法度滿足觀眾。尤其是遐个演員『番薯仔腔』足重的，實在講是行勿會出場！佫捌聽著外地觀眾半滾笑佇咧講，『你們講閩南話還能懂幾句，你們的普通話都聽不懂』……」（http://fj.sina.com.cn/xm/news/ms/2011-08-09/084721097.html）
喂！我真正想無，到底是卜做予啥儂看？是卜做予咱在儂、咱鄉親序大看，抑是卜做予北仔儂、外國儂看？朋友啊，恁敢捌聽儂講過，意大利儂用中國話、日本仔話來咧唱歌劇？敢捌聽儂講過，北京儂用廣東話來咧唱京劇？有無？無嘛！著無？Ah既然kah按呢，是按怎咱泉州儂弄嘉禮著愛用英語、用普通話來配聲！這是啥物道理！這毋是號做摧捒，這是慢性自殺！是咧凌遲閩南話佮閩南文化！是咧掘祖墓！是咧敗咱祖公業！是咧做了尾仔囝！
今仔日是嘉禮戲，明仔載，凡勢著是梨園、高甲、歌仔戲……
列位咱遮个鄉親好朋友，社會賢達、友志，咱若愛咱的傳統文化，愛咱的父母話，愛咱的祖公仔產，咱著勿會用得放外外，咱勿會用得據在イ因按呢烏白舞、亂糝變！咱愛勇敢徛出來！大聲來共即陣了尾仔囝喝停！
敬請列位上新浪微博，咱一儂一聲，一儂一票，來阻擋イ因！拜託拜託！
轉自limkianhui鷺水薌南
2011年8月9日 星期二
漳州漳浦縣赤土村的閩南語
漳浦腔是漳州話裡面被外地人認為較難明白的腔調，它最為人知的特色在於將聲母「chh」念成「s」，因此「去菜市仔買紅菜」聽起來會變成「khì sài-sī-á bé âng-sài（翁婿）」，這種腔被福建人叫做「鹹水腔」，在泉州惠安某些地方據說也聽得到，而台灣的台南關廟也有此特色。漳浦腔其實不是鐵板一塊，照地理位置的過渡有所差異，如宜蘭陳氏的祖籍地漳浦佛壜鎮就偏龍溪、海澄，這段影片的說話者所在地是在赤土，位於中央地帶，未與其他縣份接壤。從00:56可以聽到說話者把「村」唸成「sun」，顯然可聞漳浦腔的特點。此外，影片裡赤土村的腔調有個特別之處，就是將「eng」說成「iong」，例如： 06:34「情況」＝chîong-hóng、08:09「以前」＝í- chîong、08:16「平衡」＝pîong-hîong、08:28「衛生」＝oē-siong、08:41「定期」＝tīong-kî。洪惟仁教授在舊作裡曾提過他在台灣聽過一種正好相反的方音，即「iong」變成「eng」，而他說這樣的情形在漳浦也有，意即在漳浦有同時存在這兩種正好相反的腔，他表示這次去漳浦做田野調查，會仔細釐清這個差別。
訂閱：
文章 (Atom)