【點聲】tiám-siaⁿ

【點聲】tiám-siaⁿ 即個詞佇台語線頂辭典是揣有，不而過佇台灣真罕得用，內底寫講伊的用法有：小時 / 辰光 / 時間 / 聲 / 鐘點，中國的《閩南方言大辭典》寫講伊有：鐘點、時辰的意思，而且常常用佇問句：即陣是甚物點聲？我佇北馬不時聽著即個詞，會使講是真捷咧用的一個詞語，在我看的印象看起來，in上主要是用佇兩個情形，一個就是時間，比論講，偌儕時間in講偌儕「點聲」；猶擱有一個辭典內底無寫的，in共點聲當做「時陣」來用，所以講，「讀中學的時陣」in會講「讀中學的點聲」，無的確遮是番爿福建話佇即個詞發展出來的一項新的意義。