閩南語是全球華人的共通語之一,在中國福建本土以及台灣、馬來西亞、新加坡、汶萊、菲律賓各地的華人社群均有相當數量的使用者,是一種海洋文化的國際語言。它不該是中共對台統戰工具,也不該是台灣國族主義用以強化本身論述、與中國切割的途徑。本站希望把母語的格局放大,而非窄化為本土的。

2011年7月31日 星期日

八里同安腔



遮是我今年一月時佇中研院民族所,拄著一個滯八里的民俗工作者,當伊咧講話的時錄的。照洪惟仁教授的講法,八里和淡水彼搭位仔是「老同安區」,即款台北腔參市內略仔無共,市內的khah成廈門腔,特別是e和oe韻母;若淡水、八里即爿的,比較khah接近同安腔,若斟酌聽即段錄音,會使真清楚聽著央元音ir kap er,下平調變調了後聽起來親像上去,雖罔市內的腔口嘛是按呢,毋擱即陣愈來愈少聽著矣,聽起來kiau優勢腔相共。猶擱有,伊講chia kap hia會變做下平,遮明顯是漳泉濫khah倚漳州的聲調,廈門和同安即款漳泉濫的腔口計是按呢講。咱會用講淡水八里即搭的同安腔猶擱保留「第一擺漳泉濫」的聲,顛倒是台灣的漳州腔佇咧漳泉濫了後已經毋咧講即號聲調。

沒有留言:

張貼留言